Apple ilin ilk tədbiri üçün tarix verdi! Nələr təqdim olunacaq?

Apple, 19 fevral Çərşənbə günü yeni məhsullarını təqdim edəcəyi bir tədbir keçirəcəyini elan edib. Hələ ki, təqdim olunacaq cihazlar dəqiq bilinməsə də, şirkətin paylaşımında “ailənin ən yeni üzvü ilə tanış olmağa hazır olun” ifadəsi yer alıb. Bu isə iPhone SE 4-ün təqdim olunacağına işarə edir.

Apple tədbirində hansı cihazlar təqdim olunacaq?

Apple 19 fevral Çərşənbə günü xüsusi bir təqdimat tədbiri ilə yeni məhsullarını texnologiya dünyasına tanıtmağa hazırlaşır. CEO Tim Kukun sosial mediada paylaşdığı “ailənin ən yeni üzvü” ifadəsi böyük maraq doğurub.

Bu tədbirin ən çox gözlənilən cihazı iPhone SE 4 olacaq. Daha əvvəl məşhur texnologiya analitiki Mark Qurman yeni iPhone SE modelinin tezliklə təqdim olunacağını bildirmişdi. Böyük ehtimalla bu model məhz bu tədbirdə rəsmi olaraq elan ediləcək.

Bundan başqa, AirTag-in ikinci nəsli də təqdim ediləcək cihazlar arasında yer alır. AirTag 2-nin daha geniş əhatə dairəsinə və fiziki müdaxiləyə qarşı daha dayanıqlı hoparlörə sahib olacağı gözlənilir. Bundan əlavə, bu cihazın Vision Pro ilə inteqrasiya olunacağı barədə də məlumatlar var.

Apple-ın bu təqdimatda Vision Pro ilə bağlı mühüm yeniliklər elan edəcəyi də gözlənilir. Artırılmış və virtual reallıq texnologiyalarını bir araya gətirən bu cihaz, texnologiya dünyasında böyük əks-səda doğurmuşdu. Şirkətin bu sahədə əhəmiyyətli bir yeniləmə etməsi mümkündür.

Digər bir gözlənilən təqdimat isə M4 çipli MacBook Air olacaq. Məlumatlara görə, yeni nəsil MacBook Air yaxın həftələrdə satışa çıxarılacaq.

Apple-ın bu tədbirdə daha hansı sürprizlər edəcəyini isə zaman göstərəcək. 🚀